Xalq deputatlari Shovot tumani Kengashining navbatdagi 27-sessiyasida Shovot tumani sog‘liqni saqlash bo‘limi boshlig‘i Rajabov Suxbat Arazmuxamedovichning 2025–2026-yillarda bolalar saratoniga qarshi kurashish yo‘nalishida amalga oshirilgan ishlar yuzasidan hisoboti eshitildi.
Hisobotda Prezidentimizning PF–88-son Farmoni hamda 2025–2030-yillarga mo‘ljallangan Milliy strategiya ijrosi doirasida bolalar onkologik va onkogematologik kasalliklarini erta aniqlash, skrining tekshiruvlarini kengaytirish, malakali tibbiy yordam ko‘rsatish va tibbiyot xodimlari malakasini oshirish borasida amalga oshirilgan ishlar haqida ma’lumot berildi.
Qayd etilishicha, 2026-yilning dastlabki oylarida minglab bolalar tibbiy ko‘rik va skrining tekshiruvlaridan o‘tkazildi. Aniqlangan kasallik holatlari bo‘yicha bemorlar ixtisoslashtirilgan tibbiyot muassasalariga yo‘naltirilib, ularga zarur tibbiy hamda moddiy yordam ko‘rsatildi.
Muhokamalar davomida xalq deputatlari Shovot tumani Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi A.Kalandarov hisobot yuzasidan fikr bildirib, amalga oshirilgan ishlarni ijobiy baholadi.
✅ Sessiya yakunida mazkur masala yuzasidan tegishli qaror qabul qilindi.