"Ómirdi tańla!" akciyası Shımbay rayonında dawam etpekte

"Ómirdi tańla!" respublikalıq akciyası sheńberinde Xalıq deputatları Shımbay rayonlıq Keńesiniń deputatı G.Esjanova tárepinen oqıwshılar, pedagoglar, máhálle puqaraları hám jaslar qatnasıwında úgit-násiyat ushırasıwları shólkemlestirildi.

Ushırasıwlarda náshebentlik quralları hám psixotrop elementlerdiń insan salamatlıǵı hám jámiyettiń rawajlanıwına unamsız tásiri haqqında hár tárepleme túsinikler berildi. Sonday-aq, salamat turmıs tárizin úgit-násiyatlaw, jaslardıń bos waqtın mazmunlı shólkemlestiriw, olardı bilim alıw, sport penen shuǵıllanıw hám joqarı mánawiyat ruwxında tárbiyalaw máselelerine ayrıqsha itibar qaratıldı.

Ilaj dawamında qatnasıwshılar náshebentlikke qarsı gúresiwde hár bir puqaranıń juwapkershiligi, shańaraqtıń ornı hám jámiyettiń awızbirshiligi áhmiyetli ekenligi atap ótildi.

➤ Ómirdi tańlań - náshebentlikten uzaq bolıń!