🔰Xalq deputatlari Chinoz tumani Kengashiga O‘zMTDP partiyasidan 4-Afg‘on saylov okrugiga saylangan deputat L.O‘tkirov nomidan Xalq deputatlari Chinoz tumani Kengashi kotibiyati mudiri Asqar Baxramov tomonidan Kengashning ish rejasiga muvofiq tumandagi “Ehtirom” mahalla fuqarolar yig‘inida hududdagi kriminogen vaziyat hamda jinoyatchilikka qarshi kurashish borasida amalga oshirilayotgan ishlar holati o‘rganildi.

♻️O‘rganish jarayonida, ayniqsa, jinoyatchilik darajasi nisbatan yuqori bo‘lgan “qizil” va “sariq” toifadagi hududlarda huquqbuzarliklarning oldini olish, jinoyat sodir etilishiga sabab bo‘layotgan omillarni bartaraf etish, profilaktik tadbirlarning samaradorligini oshirish hamda aholi o‘rtasida huquqiy targ‘ibot ishlarini kuchaytirish yuzasidan olib borilayotgan ishlar tahlil qilindi.

✅O‘rganish yakunlari bo‘yicha aniqlangan muammo va kamchiliklarni bartaraf etish, hududda barqaror kriminogen vaziyatni ta’minlash hamda jinoyatchilikning barvaqt oldini olishga qaratilgan taklif va tavsiyalar berildi.