Xalq deputatlari Zomin tuman Kengashi deputati A.Ishnazarov tomonidan hududdagi Paxtakor mahallasida navbatdagi sessiya kun tartibiga kiritilgan tuman davlat soliq inspeksiyasi rahbarining soliqlar va boshqa majburiy to‘lovlar kesimida budjetga hisoblangan hamda amalda to‘langan tushumlar, shuningdek, mavjud soliq qarzdorligi holati to‘g‘risidagi hisoboti yuzasidan o‘rganish ishlari olib borildi.

O‘rganish davomida mahalladagi tadbirkorlik subyektlari va soliq to‘lovchilar tomonidan soliqlar hamda boshqa majburiy to‘lovlarning o‘z vaqtida va to‘liq to‘lanishi, soliq qarzdorligini qisqartirish bo‘yicha amalga oshirilayotgan chora-tadbirlar, shuningdek, soliq intizomini mustahkamlashga qaratilgan ishlar bilan tanishildi.

Shuningdek, hokim yordamchisi va mas’ul tashkilotlar tomonidan budjet tushumlarini oshirish, yangi tadbirkorlik subyektlarini faoliyatga jalb etish hamda mavjud soliq bazasidan samarali foydalanish borasida olib borilayotgan ishlar yuzasidan ma’lumotlar olindi.

O‘rganish natijalari asosida aniqlangan holatlar va takliflar navbatdagi Xalq deputatlari Zomin tuman Kengashining tegishli doimiy komissiyasi yig‘ilishida muhokama qilinadi.