Xalq deputatlari Qorao‘zak tumani Kengashi

Yangiliklar

So‘ngi yangiliklar

XALIQ MÁPI JOLÍNDA ÁMELIY ISLER

SAYLAW OKRUGINDE ÁHMIYETLI MASHQALALAR BASQÍSHPA-BASQÍSH SHESHIM TAPPAQTA

DEPUTATLÍQ ISKERLIK: XALÍQ MÁPI HÁM ÁMELIY NÁTIYJELER

Xalıq deputatları Qaraózek rayonı Keńesi jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası májilisi ótkerildi.

Qaraózek rayonında úy aldı qıytaq jerinen utımlı paydalanıp shańaraǵına qosımsha dáramat kiritip kiyatırǵan, sonday-aq, kóp tarmaqlı diyxan xojalıqlarındaǵı jumıslardıń barısı boyınsha Xalıq deputatları Qaraózek rayonlıq Keńesi deputatları hám ǵalaba xabar quralları wákilleriniń qatnasıwında media rejege tiykar ilaj ótkerildi.

ASHÍQ BYUDJET PUQARALAR USHÍN IMKANIYAT

Úyreniw jumısları alıp barıldı

Xalıq deputatları Qaraózek rayonlıq Keńesi 10-A.Dosnazarov saylaw okruginen deputat S.Íqlasov (ÓzMTDP) sekretariat bas qánigesi M.Atajanovlar Qaraózek rayonı A.Dosnazarov awıl puqaralar jıyını aymaǵındaǵı 4-sanlı mektepte oqıwshılardıń bilim alıwı hám kásipke tayarlaw baǵdarında ámelge asırılǵan jumıslar menen tanıstı.

3-sanlı mektepte alıp barılıp atırılǵan qurılıs ońlaw jumısları barısı menen tanıstı.

Xalıq deputatları Qaraózek rayonlıq Keńesi 14 – Berdaq saylaw okruginen deputat S.Sayımova ("Adolat" SDP) Mádeniyat awıl puqaralar jıyını "máhálle jetiligi" menen birge aymaqtı social-ekonomikalıq rawajlandırıw baǵdarında ámelge asırılıp atırılǵan jumıslar menen tanıstı hám bul baǵdarda jumıslardı elede janlandırıw boyınsha birge isleniwi tiyis áhmiyetli wazıypalardı belgilep aldı.

Sessiyada jaslarǵa qaratılǵan áhmiyetli másele qabıl etildi

«Áhmiyetli toqsan kúnlik» – jaslardı qollap-quwatlawǵa qaratılǵan keń kólemli baǵdarlaması tastıyıqlandı

Xalıq deputatları Bozataw rayonlıq Keńesiniń náwbettegi sessiyasında Jazǵı dem alıs dáwirinde ulıwma bilim beriw mektebi oqıwshıları, studentler hámde máhálle jaslarınıń bos waqtın mazmunlı shólkemlestiriwge qaratılǵan rayon dárejesinde ótkeriletuǵın «Áhmiyetli toqsan kúnlik» ilajlar kestesi haqqındaǵı másele keńnen sóz etildi.

Másele boyınsha tiyisli maǵlıwmat berilip, jazǵı dem alıs máwsiminde jaslardıń bos waqtın paydalı hám mazmunlı ótkeriw, olardı sportqa, mádeniy-aǵartıwshılıq, dóretiwshilik hám ruwxıy-aǵartıwshılıq is-ilajlarına keńnen tartıw boyınsha belgilenǵen wazıypalar atap ótildi.

Sessiyada «Áhmiyetli toqsan kúnlik» sheńberinde rayon boyınsha sport jarısları, intellektual oyınlar, dóretiwshilik tanlawları, jaslar menen ushırasıwlar, ekologiyalıq baǵdardaǵı is-ilajlar, sonday-aq máhállelerdegi mádeniy dem alıs baǵdarlamaları izbe-iz ámelge asırılıwı názerde tutılǵanı bildirildi.

Sessiya juwmaǵında usı másele boyınsha tiyisli qarar qabıl etilip, rayon dárejesinde ótkeriletuǵın «Áhmiyetli toqsan kúnlik» ilajlar kestesi tastıyıqlandı. Bul ilajlar jaslardıń bos waqtın mazmunlı shólkemlestiriwge, olardıń qábiletin rawajlandırıwǵa, salamat turmıs tárizin qollap-quwatlawǵa hám jas áwladtı Watandı súyiwshilik ruhında tárbiyalawǵa qaratılǵan.

Slide 1 of 3