Xususan, kotibiyat mudiri A.Ermatov hamda doimiy komissiya raislari X.Abduraxmonov va A.Mahkamov mahalla raisi hamrohligida hududdagi Sokin ko‘chasida bo‘lib, ko‘chani asfaltlashtirish masalasi yuzasidan o‘rganish olib bordilar.

O‘rganish davomida mazkur ko‘chada yo‘l infratuzilmasining qatnov qismida nosozliklar yuzaga kelgani va bu holat aholi uchun noqulaylik tug‘dirayotgani aniqlandi. Ayniqsa, yog‘ingarchilik mavsumida yo‘lning yaroqsiz holga kelishi fuqarolar murojaatlarining ko‘payishiga sabab bo‘lmoqda.

Masala yuzasidan O‘zbekiston Respublikasi Vazirlar Mahkamasining 2024-yil 11-oktabrdagi 665-sonli “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi qarori mazmun-mohiyati atroflicha o‘rganildi.

Mazkur qarorda ichki yo‘llarni saqlash va joriy ta’mirlash ishlarini mahalliy budjet mablag‘lari hisobidan moliyalashtirish, manzilli ro‘yxatlar asosida yo‘llarni ta’mirlash hamda avariya holatlarida qo‘shimcha obyektlarni dasturga kiritish tartiblari aniq belgilab berilgan.

Shuningdek, qarorda tuman va shahar obodonlashtirish boshqarmalari tomonidan ichki yo‘llarning texnik holatini o‘rganish, nuqson dalolatnomalarini shakllantirish hamda xalq deputatlari mahalliy Kengashlari orqali manzilli ro‘yxatlarni tasdiqlash mexanizmlari ko‘zda tutilgan.

O‘rganish yakunlariga ko‘ra, Sokin ko‘chasini asfaltlashtirish va muammoni tizimli hal etish maqsadida shahar hokimining tegishli o‘rinbosariga deputat so‘rovi yuborilishi belgilandi. Mazkur deputatlik so‘rovida hududdagi mavjud holat, fuqarolar murojaatlari hamda yo‘lni ta’mirlash bo‘yicha amaliy choralarni ko‘rish masalalari aks ettirilishi kutilmoqda.