🏛 Xalq deputatlari Toshkent shahar Kengashi 43-Do‘stlik saylov okrugi deputati Suhrob Saifnazarov, Yangihayot tumani Kengashi deputati Xasanjon Dadabayev hamda tuman hokimining qurilish, to‘siqlarsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman obodonlashtirish boshqarmasi boshlig‘i I.Xushvaqtov bilan birgalikda tumanning “Yangi Gulzor” va “Jaloir” mahallalari hududida amalga oshirilayotgan ishlar bilan tanishdi.

📝 Jarayon davomida “Obod mahalla” dasturi doirasida qurilayotgan stadion, ichki ko‘chalar infratuzilmasi, xususan yoritish tizimlari holati atroflicha ko‘rib chiqildi. Hududlarda mavjud sharoitlarni yaxshilash, aholiga qulaylik yaratish va xavfsizlikni ta’minlash masalalari muhokama markazida bo‘ldi.

🔎 Shu bilan birga, Mahalliy Kengash deputatlari faoliyatining eng muhim 24 ta yo‘nalishi doirasida, ayniqsa ichki yo‘llar holati, ko‘chalarni yoritish, sport infratuzilmasini rivojlantirish, aholi bandligi va ijtimoiy sharoitlarni yaxshilash masalalariga alohida e’tibor qaratildi.

🔺 Xususan, “Yangi Gulzor” va “Jaloir” mahallalari hududidagi barcha ichki ko‘chalarni zamonaviy yoritish tizimlari bilan bosqichma-bosqich ta’minlash rejalashtirilib, bu borada aniq chora-tadbirlar belgilab olindi.

🤝 Deputatlar va mutasaddi rahbarlar tomonidan hududlarni kompleks rivojlantirish, mavjud muammolarni tizimli hal etish, infratuzilmani yaxshilash hamda aholi uchun qulay va xavfsiz muhit yaratish bo‘yicha ishlar izchil davom ettirilishi ta’kidlandi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)

Slide 1 of 7