Xalq deputatlari Ishtixon tumani Kengashining navbatdagi sessiyasida Davlat kadastrlari palatasi tuman filiali boshlig‘i H.Astonovning sohada korrupsiyaga qarshi kurashish, fuqarolar murojaatlari bilan ishlash hamda qonun hujjatlari ijrosi borasida amalga oshirilgan ishlar yuzasidan hisoboti eshitildi.

Hisobotda qayd etilishicha, 2025-yil davomida kadastr tizimida korrupsiyaviy holatlarning oldini olish, xizmatlar ko‘rsatishda ochiqlik va shaffoflikni ta’minlash maqsadida xodimlar o‘rtasida muntazam tushuntirish ishlari, yig‘ilishlar va davra suhbatlari tashkil etilgan.

Xodimlarga korrupsiyaga qarshi kurashish, manfaatlar to‘qnashuvining oldini olish, fuqarolar murojaatlarini o‘z vaqtida va sifatli ko‘rib chiqish bo‘yicha qat’iy talablar belgilangan hamda bu borada tilxat va kafolat xatlari olingan.

Shuningdek, viloyat boshqarmasi hamda mutasaddi tashkilotlar bilan hamkorlikda nazorat ishlari olib borilib, noqonuniy xatti-harakatlar uchun javobgarlik muqarrarligi bo‘yicha tushuntirishlar berilgan.

2026-yilda ham mazkur yo‘nalishda ishlar davom ettirilib, sohaga oid qonun hujjatlari, xususan manfaatlar to‘qnashuvi, kadastr hujjatlarini rasmiylashtirish tartiblari hamda xizmat vakolatlarini suiiste’mol qilmaslik bo‘yicha xodimlarga qo‘shimcha tushuntirishlar berilgan.

Sessiyada fuqarolarga sifatli va halol xizmat ko‘rsatish, murojaatlar bilan ishlashda ortiqcha sarsongarchilikka yo‘l qo‘ymaslik, korrupsiyaning oldini olish va tizimda intizomni kuchaytirish yuzasidan aniq vazifalar belgilab olindi.

Kun tartibidagi masala yuzasidan deputatlar tomonidan tegishli qaror qabul qilindi.