Xalq deputatlari Qorao‘zak tumani Kengashi

Yangiliklar

So‘ngi yangiliklar

Xalıq deputatları Qaraózek rayonlıq Keńesi 12-Qarakól saylaw okruginen deputat A.Kelimbetova (Ekologiyalıq partiya) hám 13-Qara aǵash saylaw okruginen deputat M.Gulimbetovlar (Adolat SDP) nuranıylar menen ushırasıw ótkerdi.

Qaraózek rayonında abadanlastırıw hám kósheler tazalıǵın támiyinlewge qaratılǵan ilaj ótkerildi.

Xalıq deputatları Qaraózek rayonlıq Keńesi sociallıq taraw, jaslar siyasatı, mádeniyat hám sport máseleleri boyınsha turaqlı komissiya baslıǵı, 7-Shayxana kópir saylaw okruginen deputat R.Karmisova (ÓzXDP) birge islesiwshi mákeme, shólkem wákilleri menen birgelikte 9-sanlı mektepke shekemgi bilimlendiriw shólkeminde bolıp, tárbiyalanıwshılar ushın jaratılǵan shárayatlar hám bólimniń átirapın abadanlastırıw jumısları menen tanıstı.

Xalıq deputatları Qaraózek rayonlıq Keńesi 2-Gulistan saylaw okruginen deputat N.Tlewmuratov (ÓzLiDeP) hám 10-A.Dosnazarov saylaw okruginen deputat S.Íqlasovlar (ÓzMTDP) 14-sanlı mektep xızmetkerleri menen ushırasıw ótkerdi.

Xalıq deputatları rayonlıq Keńesi 7-Shayxana kópir saylaw okrugi deputatı R.Karmisova (ÓzXDP), birge islesiwshi mákeme shólkem wákilleri menen 1- hám 9-mektepke shekemgi bilimlendiriw shólkemi xızmetkerleri menen ushırasıp, tarawda jańadan qabıl etilgen nızam hám qararlardıń mánis mazmunı haqqında maǵlıwmatlar berip ótti.

Xalıq deputatları Qaraózek rayonlıq Keńesi 16-Aqbetkey saylaw okruginen deputat S.Joldıbaev Esimózek awıl puqaralar jıyını aymaǵındaǵı 13-sanlı mektepke shekemgi bilimlendiriw shólkeminde bolıp, tárbiyalanıwshılar ushın jaratılǵan shárt-shárayatlar menen tanıstı.

Xalıq deputatları Qaraózek rayonlıq Keńesi 1-N.Japaqov okruginen deputat, Keńes sekretariatı baslıǵı Q.Jaqsımuratov, jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiya baslıǵı B.Niyetullaevlar birgelikte Qutlı mákan MPJ aymaǵında A.Dosnazarov kóshesine jańadan ishimlik suwı tarmaǵın tartıw jumısları barısı menen tanıstı.

MÚRÁJAT ÓZ SHESHIMIN TAPTÍ

Xalıq deputatları Qaraózek rayonlıq Keńesine 3-Gulbaǵ saylaw okruginen deputat A.Palımbetova (Adolat SDP) hám 12-Qarakól saylaw okruginen deputat A.Kelimbetovalar (Ekologiyalıq partiya) 2-sanlı mektepte oqıwshılarǵa jaratılıp atırılǵan sharayatlar hám átirapın abadanlastırıw, kóklemzarlastırıw jumısları barısı menen tanıstı.

Qaraqalpaqstan Respublikası Joqarǵı Keńesiniń Jergilikli hákimiyattıń wákillikli hám puqaralardıń ózin-ózi basqarıw uyımları jáne mámleketlik uyımlardıń ashıq-aydınlıǵın támiyinlew máseleleri komitetiniń baslıǵı Sh.Ótemisov Xalıq deputatları Qaraózek rayonlıq Keńesi sekretariatınıń iskerlik jumısları menen jaqınnan tanıstı.

Qaraqalpaqstan Respublikası Joqarǵı Keńesi hám Demokratiyalıq processlerdi tallaw orayınıń aymaqlıq bólimi menen birgelikte "Jergilikli Keńeslerdiń sociallıq tarmaqlardaǵı jumısın nátiyjeli shólkemlestiriw" atamasında seminar bolıp ótti.

Seminardı Qaraqalpaqstan Respublikası Joqarǵı Keńesiniń komitet baslıǵı Sharapat Otemisov kiris sóz benen ashıp berdi.

Shıǵıp sóylewshiler Demokratiyalıq processlerdi tallaw orayı Qaraqalpaqstan Respublikası aymaqlıq bóliminiń baslıǵı Yaxshibeka Abdullaeva, bas qánigesi Ruslan Eshchanovlar óz sózinde jergilikli Keńeslerdiń rásmiy betlerin júrgiziw, olarǵa qoyılatuǵın talaplar haqqında pikir júritiw, qatnasıwshılarǵa deputatlıq sorawlar, sessiya processleri hám turaqlı komissiyalar májilislerin sáwlelendiriw boyınsha ámeliy usınıslar berip ótti.

Sonday-aq, seminarda sociallıq tarmaqlardaǵı durıs málimleme siyasatı Keńestiń abırayın arttırıwı, puqaralardıń isenimin bekkemlewi hám ashıq mámleketlik basqarıwǵa xızmet etetuǵını atap ótildi.

Seminar juwmaǵında dodalanǵan máseleler boyınsha anıq usınıslar alǵa qoyılıp, jaqın keleshekte ámelge asırılıwı zárúr bolǵan wazıypalar belgilep alındı.

Slide 1 of 6