17-Oqdaryo saylov okrugi deputati Z. Islomov tomonidan Oqdaryo mahallasida O‘zbekiston Respublikasi Prezidentining 141-sonli qarori ijrosi yuzasidan o‘rganish ishlari olib borildi.

📌 O‘rganish jarayonida O‘zbekiston Respublikasi Prezidenti Shavkat Mirziyoyev tomonidan qabul qilingan mazkur qaror doirasida belgilangan vazifalarning hududdagi ijrosi atroflicha tahlil qilindi. Xususan, mahallada aholi bandligini ta’minlash, kambag‘allikni qisqartirish, tadbirkorlikni rivojlantirish, yoshlar va xotin-qizlar bilan manzilli ishlash, daromad manbalarini ko‘paytirish hamda ijtimoiy infratuzilmani yaxshilash borasida amalga oshirilayotgan ishlar ko‘rib chiqildi.

📌 Shuningdek, “mahallabay” ishlash tizimi asosida xonadonlar kesimida o‘rganish olib borilib, aniqlangan muammo va kamchiliklarni bartaraf etish yuzasidan mas’ullarga tegishli topshiriqlar berildi. Qaror ijrosini ta’minlashda sektor rahbarlari, mutasaddi tashkilotlar hamda mahalla faollari bilan hamkorlikni kuchaytirish zarurligi ta’kidlandi.