Deputat maktabda o‘quvchilar uchun yaratilgan ovqatlanish sharoitlarini, oshxonaning sanitariya holatini, taomlarning sifati hamda yetkazib berish jarayonini o‘rganib chiqdi. Shuningdek, ovqatlanish joylarining tozaligi, oziq-ovqat mahsulotlarining saqlanishi va o‘quvchilar uchun yaratilgan qulayliklarga alohida e’tibor qaratildi.

O‘rganish davomida deputat maktab jamoasi hamda ota-onalar bilan suhbatlashib, keytering xizmatining sifati, taomlarning mazasi, ularning o‘z vaqtida yetkazib berilishi va narxlari yuzasidan ularning fikr-mulohazalari bilan qiziqdi. Bildirilgan taklif va mulohazalar kelgusida xizmat sifatini yanada yaxshilashda muhim ahamiyat kasb etishi ta’kidlandi.

Deputat Fotima Saidabdullayeva o‘quvchilarning sog‘lom ovqatlanishini ta’minlash, maktablarda tashkil etilayotgan ovqatlanish xizmatlari sifatini oshirish doimiy e’tiborda bo‘lishi lozimligini qayd etdi hamda bu boradagi ishlar yuzasidan tegishli tavsiyalar berdi.