Ayni kunlarda respublikamiz bo‘ylab obodonlashtirish va ko‘kalamzorlashtirish ishlari keng ko‘lamda amalga oshirilmoqda. Ushbu jarayonlarda deputatlar ham faol ishtirok etib, hududlarni yanada obod va ko‘rkam qilishga o‘z hissalarini qo‘shib kelmoqda. Xususan, bugun Xalq deputatlari Parkent tumani Kengashiga 25-Oydin saylov okrugidan saylangan deputat Ismailov Qamariddin Abduraximovich o‘zi saylangan okrug hududidagi “Oydin” mahalla fuqarolar yig‘inida bo‘lib, mahalla yettiligi tomonidan olib borilayotgan obodonlashtirish ishlarida qatnashdi hamda ushbu ishlarga o‘z hissasini qo‘shdi. Tadbir davomida mahalla hududini ko‘kalamzorlashtirish maqsadida turli xil mevali va manzarali daraxt ko‘chatlari ekildi. Mazkur ishlar hududning ekologik holatini yaxshilash, aholi uchun qulay va obod muhit yaratish, mahalla yettiligi hamda okrug saylovchilari bilan hamkorlikni yanada mustahkamlash, hududlarda amalga oshirilayotgan obodonlashtirish ishlarida aholining faol ishtirokini ta’minlash hamda aholi kayfiyatini ko‘tarishga xizmat qiladi.