O‘rganish ishlari amalga oshirildi 

Joriy yilning 26 fevral kuni O‘zbekiston Respublikasi Oliy Majlisi
Qonunchilik palatasi deputati J.Abdullaev hamda xalq deputatlari Quva tuman Kengashi
deputatlari xamkorlikda tumandagi bir qator sohalarda amalga oshirilayotgan ishlar
holatini o‘rgandilar. 

Xususan, deputatlar tumandagi 3-son oilaviy poliklinikada bo‘lib,
u yerda aholiga tibbiy xizmat ko‘rsatish sifatini oshirish borasida amalga oshirilayotgan
ishlar, DMED elektron tizimining ishlash jarayoni, fuqarolarni ro‘yxatga olish,
elektron navbat, tibbiy ma’lumotlarni shakllantirish va saqlash tizimi, shuningdek,
bemorlarga yaratib berilgan qulay shart-sharoitlarni ko‘zdan kechiridilar. Tibbiyot xodimlari bilan muloqot davomida
sohadagi muammo va takliflar tinglandi. 

Shuningdek,
Bahor mahalla fuqarolar yig‘inida “mahalla yettiligi” tomonidan aholi muammolarini
o‘rganish, ijtimoiy himoyaga muhtoj oilalarni qo‘llab-quvvatlash, bandlikni ta’minlash
hamda yoshlar va xotin-qizlar bilan ishlash borasida olib borilayotgan ishlar tahlil
qilindi. Mahalla tizimidagi hamkorlik va manzilli ishlash mexanizmlari yuzasidan
fikr almashildi. 

Qaqir mahalla
fuqarolar yig‘ini hududida joylashgan “IVS-TEXGROUP” mas’uliyati cheklangan jamiyati
faoliyati ham atroflicha o‘rganildi. Korxonada ishlab chiqarish jarayoni, ishchilar
uchun yaratilgan mehnat sharoitlari, yangi ish o‘rinlari yaratish bo‘yicha amalga
oshirilayotgan chora-tadbirlar ko‘rib chiqildi.  

Yangichek mahalla
fuqarolar yig‘ini hududida esa aholi tomonidan ko‘chatchilikni rivojlantirish, tomorqa
yerlaridan samarali foydalanish, qo‘shimcha daromad manbalarini yaratish bo‘yicha
amalga oshirilayotgan ishlar bilan tanishildi. Ushbu yo‘nalishdagi tashabbuslarni
qo‘llab-quvvatlash, agrotexnik maslahatlar berish va bozorga chiqish imkoniyatlarini
kengaytirish yuzasidan takliflar bildirildi.