Murojaatnoma va qonunchilik yangiliklari aholi o‘rtasida targ‘ib qilinmoqda 

Xalq deputatlari Quva tuman Kengashi deputatlari hududlarda mehnat
jamoalari va aholi o‘rtasida tizimli targ‘ibot-tushuntirish ishlarini olib bormoqdalar.
Ushbu uchrashuvlar davomida O‘zbekiston Respublikasi Prezidenti Shavkat Mirziyoevning
2025 yil 26 dekabr kuni Oliy Majlis va O‘zbekiston xalqiga yo‘llagan Murojaatnomasida
belgilab berilgan ustuvor yo‘nalishlar, islohotlarning mazmun-mohiyati keng jamoatchilikka
yetkazilmoqda. 

Jumladan, tuman Kengashi deputat R.Nodirov, M.Akramovlar tumandagi
29-son umumiy o‘rta ta’lim maktabi hamda 35-son maktabgacha ta’lim tashkilotida
bo‘lib pedagoglar bilan uchrashdilar. Uchrashuvlarda deputatlar O‘zbekiston Respublikasi
Prezidenti Shavkat Mirziyoevning 2025 yil 26 dekabr kuni Oliy Majlis va O‘zbekiston
xalqiga yo‘llagan Murojaatnomasida belgilab berilgan ustuvor vazifalar va strategik
yo‘nalishlar atroflicha sharhlab berdilar. Shuningdek, ta’lim tizimini yanada takomillashtirish,
yosh avlodni zamonaviy bilim va kasb-hunarga ega etish, pedagoglar mehnatini munosib
rag‘batlantirish, ijtimoiy sohalarni rivojlantirish, tadbirkorlikni qo‘llab-quvvatlash
hamda aholini ijtimoiy himoya qilish borasida amalga oshirilayotgan islohotlar mazmun-mohiyati
batafsil tushuntirildi. 

Uchrashuvlar davomida ishtirokchilarni qiziqtirgan savollarga
batafsil javoblar berildi, qonunchilikdagi yangiliklarning amaliyotdagi ahamiyati
yuzasidan fikrlar almashildi va muassasalaridagi mavjud muammolar, taklif va tashabbuslar
ham o‘rganilib, ularni hal etish yuzasidan tegishli tavsiyalar berildi.