2026-yil 11-fevral kuni imzolangan “2026-yilda Navoiy viloyatini barqaror ijtimoiy-iqtisodiy rivojlantirish chora-tadbirlari to‘g‘risida”gi PQ-58-sonli Prezidentimizning qarori Navoiy viloyati taraqqiyotiga xususan tumanimiz taraqqiyotiga berilayotgan yuksak e’tiborning yana bir amaliy ifodasi bo‘ldi.

Mazkur muhim hujjat viloyatimizning eng chekka hudularida ham sanoat, qishloq xo‘jaligi, xizmat ko‘rsatish, investitsiya, turizm va infratuzilma sohalarini yangi bosqichga chiqish uchun zamin yaratadi.

Ayniqsa, Uchquduq tumani uchun yangi loyihalarni ishga tushirish bo‘yicha vazifalar belgilangaligi biz Uchquduqliklarni quvontirdi.

Uchquduq tumani Navoiy viloyatining sanoat salohiyati yuqori bo‘lgan hududlaridan biridir. Tumanimizni yanada ijtimoiy-iqtisodiy rivojlantirish maqsadida bir qator vazifalar belgilab berildi. Tog‘-kon sanoati va infratuzilmani yaxshilashga qaratish, aholi turmush darajasini oshirish uchun ta’lim, sog‘liqni saqlash va turar-joy infratuzilmasini modernizatsiya qilish, hududga yangi ish o‘rinlari yaratish maqsadida investitsiya loyihalarini jalb etish, eksport va import hajmini oshirish, tumanda aholi uchun “Oltin ko‘l” sohil boʻyida istirohat bogʻi, mehmonxonalar hamda restoran va umumiy ovqatlanish obyektlarini tashkil etish orqali xizmat ko‘rsatish va turizm sohalarini rivojlantirish yanada yo‘lga quyiladi.

Bularning barchasi Uchquduq tumanini ijtimoiy-iqtsodiy va sanoat salohiyati yuqori bo‘lgan hududlaridan biri bo‘lishiga zamin yaratadi.

Uchquduq tumanida yashillik darajasini oshirish, ko‘p yillik daraxtlarni suv bilan ta’minlash, suv resurslaridan oqilona foydalanish, ekologik holatni yaxshilash va barqaror saqlash maqsadida zamonaviy sug‘orish tizimini joriy etilishi albatta, tumanimiz aholisi uchun yanada ko‘plab imkoniyatlar yaratadi. Fuqarolarga dam olishlari uchun yashil maskanlar ko‘payada. Tumandagi “Qanorbay ata”, “Yerler ata”, “Beder ata”, “ochiq osmon ostidagi muzey” deb e’tirof etilgan “Tosh o‘rmon” yodgorligiga olib boruvchi yo‘llarning mukammal ta’mirlanishi hamda bu ob’ektlarni turistik marshrutga kiritilishi, tumanda turizm salohiyatini rivojlantirishga asos bo‘ladi.

Muhtaram yurtboshimiz tomonlaridan belgilab berilgan vazifalar ijrosini ta’minlashda albatta tuman Kengashi deputatlari ham o‘z hissalarini qo‘shadilar. Xususan, Prezidentimizning qarorlarida belgilab berilgan vazifalarni aholiga yetkazish, ularni kelajakka bo‘lgan ishonchlarini oshirish va ta’minlanayotgan farovon hayotda har bir fuqaroning faol ishtirokchi bo‘lishini ta’minlash har bir deputatning burchi deb o‘ylayman.