Xalq deputatlari Uzun tumani Kengashi raisi Dilorom Safarova tibbiyot birlashmasidagi ayollar maslahatxonasida o‘rganish olib bordi

Tuman Kengashi raisi tomonidan tuman tibbiyot birlashmasi tarkibidagi ayollar maslahatxonasida o‘rganish ishlari olib borildi. Tashrifdan ko‘zlangan maqsad — onalik va bolalikni muhofaza qilish, xotin-qizlarga ko‘rsatilayotgan tibbiy xizmat sifati hamda mavjud shart-sharoitlarni o‘rganishdan iborat bo‘ldi.

Deputat maslahatxona faoliyati bilan tanishar ekan, shifokorlar va hamshiralar bilan suhbatlashdi, fuqarolar uchun yaratilgan qulayliklar, dori-darmon ta’minoti hamda tibbiy jihozlarning holatini ko‘zdan kechirdi. Shuningdek, homilador ayollarni patronaj tizimi asosida kuzatish, skrining tekshiruvlari va profilaktik ko‘riklar masalalariga alohida e’tibor qaratildi.

O‘rganish jarayonida quyidagi yo‘nalishlar muhokama qilindi:

Tibbiy xizmat sifatini yanada oshirish

Navbatlar va murojaatlar bilan ishlash tizimini takomillashtirish

Zamonaviy tibbiy jihozlardan samarali foydalanish

Xotin-qizlar salomatligini mustahkamlashga qaratilgan profilaktik tadbirlar

Deputat tomonidan aniqlangan ayrim kamchiliklarni bartaraf etish yuzasidan mas’ullarga tegishli tavsiyalar berildi hamda sohaga doir takliflar bildirildi. Ta’kidlanganidek, aholiga, ayniqsa xotin-qizlarga sifatli va o‘z vaqtida tibbiy xizmat ko‘rsatish ustuvor vazifalardan biridir.

Mazkur o‘rganish ishlari tibbiyot muassasalarida xizmat ko‘rsatish samaradorligini oshirish va aholi salomatligini mustahkamlashga xizmat qiladi.