Өзбекстан ХДП Шымбай районлық кеңеси басламасы менен Қарақалпақ мәмлекетлик университети Шымбай факультетинде “Қатарымыздағы жаслар” жойбары шеңберинде "Депутат ҳәм жаслар" атамасында ушырасыў шөлкемлестирилди.

Ушырасыўда Халық депутатлары Шымбай районлық Кеңеси баслығы О.Толыбеков, Халық депутатлары Шымбай районлық Кеңесиндеги ӨзХДП депутатлық топары ағзасы А.Утепбергенова, Өзбекстан ХДП Шымбай районлық кеңеси баслығы С.Нурмамбетов, партияның “Жаслар қанаты” ағзалары, факультеттиң профессор-оқытыўышлары ҳәм студент жаслары қатнасты.

Илажда дәслеп депутатлар тәрепинен Президентимиздиң Олий Мажлис ҳәм Өзбекстан халқына жоллаған Мүрәжатында белгиленген тийкарғы ўазыйпалардың мазмун-мәниси ҳәм әҳмийети бойынша кеңнен түсиниклер берилди. Сондай-ақ, бүгинги елимизде алып барылып атырған кең көлемли реформалар, соның ишинде, жасларға жаратылып атырған мүмкиншиликлер, олардың өз басламаларын жүзеге шығарыўлары ушын жаратылған шараятлар ҳаққында, соның менен бирге, партияның бағдарламалық мақсет ҳәм ўазыйпаларын үгит-нәсият етиўде партия шөлкемлери ҳәм депутатлар тәрепинен алып барылып атырған жумыслар және партияның жаслар менен ислесиў бағдарында алып барылып атырған жумысларға тоқталып өтилди.

Ушырасыў даўамында бир қатар жаслар сөзге шығып жасларды қоллап-қуўатлаў, олардың мәплерин қорғаў бойынша өзлериниң пикир-усынысларын билдирип өтти ҳәм өзлериниң қызықтырған сораўларына жуўаплар алды.

Илаж соңында партия қатарына жаңадан қабыл етилген жасларға партия гуўалықлары тапсырылды.