📢 Xalq deputatlari Nurafshon shahri Kengashi deputati Alim Tursunbayev tomonidan chiqarilgan deputatlik so‘rovi o‘z samarasini berdi.

Muammo nimada edi❓ 

Nurafshon shahridagi umumta’lim maktablari hududidan maishiy chiqindilarni olib chiqib ketish bilan bog‘liq jiddiy muammolar aniqlangan edi. "Toza hudud" DUK bilan shartnomalar imzolangan bo‘lishiga qaramay, amalda chiqindilar bir oyda faqat bir marotaba olib chiqib ketilgan, bu esa hududda chiqindilar to‘planib qolishiga va sanitariya-epidemiologik holatning keskin yomonlashishiga sabab bo‘layotgan edi.

Natija: ✅

Ko‘rilgan tezkor choralar natijasida:

✅ Maktablar hududidagi chiqindilar shartnomada belgilangan muddatlarda olib chiqib ketilishi ta’minlandi.

✅ To‘planib qolgan chiqindilar bartaraf etilib, o‘quvchilar uchun xavfsiz muhit qayta tiklandi.

✅ Shartnoma majburiyatlarining ijrosi deputat nazoratiga olindi.

Xalq deputati sifatida saylovchilarning huquqlari va qonuniy manfaatlarini himoya qilish borasidagi ishlar davom etadi.