Deputatlar tomonidan “Istara” mahallasida chorvachilik loyihasi ijrosi joyida o‘rganildi

O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, Oliy darajadagi tashriflar davomida erishilgan kelishuvlar yuzasidan ishlab chiqilgan “yo‘l xaritalari”da Qiziriq tumanini ijtimoiy-iqtisodiy rivojlantirish yuzasidan belgilangan chora-tadbirlarni manzilli o‘rganish hamda samarali nazoratni amalga oshirish rejasi asosida O‘zbekiston Respublikasi Prezidentining 2025-yil 24-dekabrdagi “Surxondaryo viloyatining salohiyati va imkoniyatlaridan to‘liq foydalanish bo‘yicha qo‘shimcha chora-tadbirlari to‘g‘risida”gi PQ-386-sonli qarorini ta’minlash maqsadidagi Qiziriq tumani “Istara” mahallasida chorvachilikni tashkil etish loyihasi nazorati uchun biriktirilgan Xalq deputatlari Surxondaryo viloyati Kengashi deputati J.Xudoyqulova hamda tuman Kengashi deputati J.Donayevlar loyiha asosida amalga oshirilayotgan ishlar bilan joyida tanishdi.

O‘rganish davomida loyiha doirasida qurilish-montaj ishlari, zarur kommunikatsiyalar bilan ta’minlash holatlari ko‘zdan kechirildi. Loyihaning hududiy mas’uli bo‘lgan JAHON XITOY INVEST MChJ vakili bilan suhbat o‘tkazilib, loyiha bosqichlari, amalga oshirish muddati, yaratiladigan ish o‘rinlari hamda tuman aholisini bandlik bilan ta’minlash masalalari muhokama qilindi.

Shuningdek, loyiha doirasida infratuzilmani jadallashtirish, moliyalashtirishning maqsadli va samarali yo‘naltirilishini ta’minlash, ishlar sifatini oshirish bo‘yicha mas’ullarga tegishli tavsiyalar berildi.

Mazkur loyiha Qiziriq tumanida chorvachilikni rivojlantirish, yangi ish o‘rinlari yaratish va mahalla aholisi daromadlarini oshirishga xizmat qilishida muhim o'rin tutishi qayd etilib, loyihaning bajarilishi doimiy ravishda deputatlik nazoratiga olindi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)