Prezident Pármanı (PP-98-sanlı, 23.06.2025 j.)
menen "Ózbekstan Respublikasında jergilikli mámleketlik hákimiyat
wákillikli uyımları jumısın 2030-jılǵa shekem rawajlandırıw" koncepciyası
tastıyıqlanǵan edi. Soǵan bola; 

- Mámleketlik imaratlardı ijaraǵa beriwde minimal
bahanı jergilikli Keńes belgileydi. Demek, biznes ushın qolaylıq jaratıladı.
Burınǵıday Tashkentten ruxsat kútilmeydi. 

- Qábirstanlar hám jerlew xızmetleri boyınsha
bahalar Keńes tárepinen tastıyıqlanadı. Hár bir aymaqtıń jaǵdayı, imkaniyatı hár
qıylı - endi bahalarda ádillik boladı. 

- Jumıs tabıwda qıynalıp atırǵan puqaralar ushın
orınlarda arnawlı jumıs orınların ajıratıw minnetlemesi belgilenedi. Yaǵnıy
Keńesler sociallıq qorǵawdı ámeliy támiyinlewde belsene qatnasadı. 

- Ayırım kóshelerde háreket tezligin arttırıw
yamasa páseytiw wákilligi Keńeske ótedi. Máselen, mektep aldında tezlik
tómenletiliwi yamasa jańa kóshelerde arttırılıwı múmkin. 

2. Qarar qabıl etiwde jámiychilik qatnasıwı
artadı. 

Endi jergilikli byudjet qárejetleriniń bir bólegi
Keńes deputatlarınıń baslaması tiykarında bólistiriledi. 

Jaslar minberi keńeedi. Oliy Majlis Jaslar
parlamentiniń tájiriybesi tiykarında jergilikli Keńesler janında Jaslar
toparları shólkemlestiriledi. 

Jámietlik dawıs kúsheedi. Keńesler janında
Másláhát toparları MKSh, puqaralar hám ilimpazlardıń qatnasıwında
shólkemlestiriledi. 

Keńesler erkin qarjı
sistemasına ie boladı. Atqarıw hákimiyatınan finanslıq ǵárezsizlik
támiyinlenedi. 

Keńeslerde baslıqtıń
orınbasarı lawazımı engiziledi. Keńestiń jumısı jáne de nátiyjeli boladı. 

1. Hákim orınbasarlıǵına talabanlar jergilikli Keńes
komissiyasında dodalanadı. 

Endi hákim orınbasarlarına
talabanlar jergilikli Keńes komissiyasında dodalanadı, óz baǵdarları boyınsha
rawajlandırıw baǵdarlamasın usınadı. Bul maman basshılardı tańlawda
ashıq-aydınlıq hám juwapkershilikti támiyinleydi. 

"Keńes saatı"
institutı engizilip, atqarıw hákimiyatı hám jámiechilik arasındaǵı qarım-qatnas
tikkeley qáliplesedi. 

Keńeslerdi qarjılay
qollap-quwatlaw, deputatlardı xoshametlew hám materiallıq-texnikalıq
sharayatlardı jaqsılaw arqalı olardıń tásir kúshi artadı. 

Sonday-aq, lawazımlı
shaxslardıń ádep-ikramlılıq qaǵıydalarına ámel etiwi ústinen deputatlıq
qadaǵalawdıń kúsheytiliwi, sessiyalar ashıq ótkerilip, puqaralar baqlawshı
sıpatında qatnasıwı belgilengeni de sistemada ashıq-aydınlıqtı támiyinlewde
áhmietli faktor bolıp esaplanadı. 

2. Jergilikli Keńeslerdiń jumısı elektronlasadı. 

Endi xalıq hám wákiller
arasındaǵı baylanıs jáne de ashıq, jedel hám isenimli boladı. Bunıń ushın
"E-Keńes" platforması jáne de jetilistiriledi. 

Bul Prezidenttiń jergilikli
keńeslerdiń jumısın jetilistiriwge baylanıslı pármanında belgilendi. 

Ne ózgeredi? 

- hújjetler
"blokcheyn" arqalı qáwipsiz saqlanadı, hesh qanday qálbekilestiriw
yamasa joǵaltıwǵa jol qoyılmaydı; 

- qararlar aldınǵı úlgi
hújjetler tiykarında hámde jasalma intellekt arqalı tez hám anıq tayarlanadı,
insan faktorı azayadı; 

- baslıqlar hújjetlerge Face
ID menen qol qoyadı. 

Bul ózgerisler jergilikli
Keńeslerdiń jumısın jáne de ashıq-aydın hám nátiyjeli etedi, deputatlarımız
bolsa kóbirek waqtın xalıqtıń mashqalaların sheshiwge ajıratadı. 

  Sekretariat baslıǵı B.Iskenderov