Xalq deputatlari Uzun tumani Kengashi raisi, deputat Dilorom Safarova hamda kotibiyat mudiri O'ktam Rajabov bilan hamkorlikda, "Navro'z" mahallasidagi yettilik faoliyati bilan yaqindan tanishdi.

2024-yilgi deputatlik saylovlari yakunlari bo‘yicha viloyatlarda va shaharda hokimlarning xalq deputatlari mahalliy Kengashlarida raislik qilishiga barham berildi. Tuman miqiyosida esa bu tartibga 2026-yil 1-yanvardan boshlab o‘tildi.

Shu munosabat bilan xalq deputatlari Uzun tumani Kengashi raisi Safarova Dilorom Shaydilovna "Navro'z" mahallasida bo'lib, 2025-yil hamda 2026-yilning hozirgi davriga qadar yettilik tomonidan amalga oshirilgan ishlari bilan tanishdi, xususan: 

Mahalla raisi tomonidan - jismoniy va yuridik shaxslarning murojaatlarini koʻrib chiqilishi, mahalla hududidagi dolzarb muammolar, shuningdek, davlat organlari va boshqa tashkilotlarning hududga biriktirilgan masʼul xodimlari, yoʻl qurilishi, elektr energiyasi, gaz, suv, kommunal va ijtimoiy soha vakillarining hududda amalga oshirgan ishlari natijalarini o'rganildi;

Hokim yordamchisining - mahalla aholisi bandligini taʼminlash, oilalarning daromad manbalarini va tomorqa yerlaridan samarali foydalanishini rivojlantirish holati, mehnat migratsiyasidan qaytib kelgan shaxslarga reintegratsiya yordami koʻrsatilishi va ularning rasmiy bandligi taʼminlanishi holati bilan tanishib, Kengash raisi tomonidan mahalladagi kambagʻal oilalarning har biri uchun “individual dastur” ishlab chiqish va ularning daromadini oshirish bo'yicha aniq ko'rsatma va topshiriqlar berildi.

 Ijtimoiy xodim faoliyati yuzasidan - oʻzgalar parvarishiga muhtoj keksalar bilan ishlash va ularning kunlik hayot tarzini ijtimoiy xizmat koʻrsatish orqali yaxshilash holatining samaradorligi hamda ota-ona qaramogʻisiz qolgan bolalarni aniqlash, ularga vasiylik va homiylik belgilash, alohida taʼlimga ehtiyojlari boʻlgan bolalar bilan ishlash holatlari tanqidiy o'rganildi, ijtimoiy xodimning amalga oshirilgan ishlari bo'yicha ma'lumotlari ko'rib chiqildi. 

Xotin-qizlar faolining faoliyati yuzasidan uning mahalladagi faoliyati, ayollar bilan ishlash, ayollar muammolarini o‘rganish, oilaviy, ijtimoiy va moddiy muammolarni aniqlash, nizoli oilalar bilan ishlash, mahallada ayollarni qo‘llab-quvvatlash, ularning jamiyatdagi o‘rnini mustahkamlash va farovonligini ta’minlash bo'yicha aniq ko'rsatma va topshiriqlar berildi.

 Xalq deputatlari Uzun tumani Kengashi