O‘zbekiston Respublikasi Prezidentining PQ- 402-son qarori ijrosini yuzasidan Respublika onkologiya va radiologiya markazida o'rganish o'tkazildi Xalq deputatlari Olmazor tumani Kengashi deputati Ziyo Parizod ishtirokida hamda Respublika onkologiya va radiologiya markazi rahbariyati bilan uchrashuv tashkil etildi. 

Uchrashuvda O'zbekiston Respublikasi Prezidentining 2024 yil 22 noyabrdagi "Ayollar orasidagi onkologik kasalliklarni nazorat qilish tizimini takomillashtirish chora-tadbirlari to'g'risida"gi PQ- 402-son qarori ijrosini yuzasidan Respublika onkologiya va radiologiya markazida o'rganish o'tkazildi. 

O'rganish jarayonida skrining tadbirlarining samaradorligi, ularga rioya etilishi, skrining natijalari va davolash jarayonlari bo'yicha ma'lumotlarining to'liq va tizimli yuritilishi, xizmatlarining davlat mablag'lari hisobidan ko'rsatilishi, infratuzilma va malakali kadrlar bilan ta'minlanganlik darajasi, shuningdek monitoring va baholash tizimlariga alohida e'tibor qaratildi.

Yig'ilishda ishtirok etgan mutaxassislar va boshqaruv xodimlari, markazning faoliyatini yanada rivojlantirish va takomillashtirish bo‘yicha o‘z fikr va mulohazalarini bildirdilar. Bundan tashqari, deputat sog‘liqni saqlash tizimidagi muammolarni bartaraf etish va aholi salomatligini yaxshilashga qaratilgan yangi tashabbuslar haqida so‘zlab berdi.

Uchrashuv yakunida, onkologiya markazida amalga oshiriladigan ishlar, ishchi guruhlar va kelgusi rejalarga doir bir qator masalalar muhokama qilindi.