Quva tumani Ittifoq mahallasida aholi bilan ochiq muloqot o‘tkazildi 

Quva tumani Ittifoq mahalla
fuqarolar yig‘inida xalq deputatlari Farg‘ona viloyati Kengashi deputati
N.Mannopova, tuman Kengashi deputati R.Nodirov xamda O‘zLiDeP Quva tuman
Kengashi apparati rahbari Yu.Abdullaeva tomonidan aholi bilan ochiq muloqot
o‘tkazildi. 

Uchrashuvda mahalla faollari,
nuroniylar, “mahalla yettiligi” a’zolari hamda fuqarolar ishtirok etdilar. 

Muloqotning
asosiy maqsadi davlatimiz prezidenti Shavkat Mirziyoev rahbarligida mamlakatimizda
amalga oshirilayotgan ijtimoiy-iqtisodiy islohotlar va inson qadrini ulug‘lashga
qaratilgan ishlar haqida aholini xabardor qilish, shuningdek, joylardagi muammolarni
o‘rganish, fuqarolar murojaatlarini tinglash hamda ularga amaliy yechim topish orqali
xalq bilan davlat idoralari o‘rtasidagi muloqotni yanada kuchaytirishdan iborat
bo‘ldi. 

Tadbirda
deputatlar tomonidan tumanni ijtimoiy-iqtisodiy rivojlantirish bo‘yicha amalga oshirilayotgan
ishlar, aholini ijtimoiy himoya qilish, infratuzilmalarni yaxshilash, tadbirkorlikni
rivojlantirish va yangi ish o‘rinlari yaratishga oid chora-tadbirlar haqida atroflicha
ma’lumot berildi. 

Uchrashuv ochiq va samimiy
ruhda o‘tdi. Aholi vakillari bunday muloqotlar xalqning muammolarini eshitish,
ularni joyida hal etish va jamoatchilik faolligini oshirishda muhim ahamiyat
kasb etishini ta’kidladilar. 

Tadbir yakunida deputatlar
aholi tomonidan bildirilgan taklif va fikr-mulohazalarni umumlashtirib, ularni
amaliy hayotga tatbiq etish bo‘yicha tegishli tavsiyalar ishlab chiqdilar,
berilgan savollarga atroflicha javoblar berdilar.