Mahalliy Kengash deputati faoliyatining ustuvor yo‘nalishlari bo‘yicha o‘rganish olib borildi

Mahalliy Kengash deputatlarining faoliyatida aholining turmush sharoitini yaxshilash, davlat xizmatlarining sifati va qulayligini oshirish, shuningdek, fuqarolarning murojaatlari bilan ishlash samaradorligini ta’minlash muhim o‘rin tutadi. Shu maqsadda, Xalq deputatlari Payariq tuman Kengashi deputati N.Ochilova tomonidan tumandagi Davlat xizmatlari markazi faoliyati o‘rganildi.

Tashrif davomida deputat markazda fuqarolarga yaratilgan shart-sharoitlar, xizmat ko‘rsatish jarayonlari, navbatlarni elektron tartibda boshqarish tizimi, shuningdek, aholiga qulaylik yaratish bo‘yicha amalga oshirilayotgan ishlar bilan tanishdi.

O‘rganish chog‘ida deputat aholiga ko‘rsatilayotgan xizmatlar sifati, murojaatlar ko‘rib chiqilishining tezkorligi, nogironligi bo‘lgan shaxslarga yaratilgan imkoniyatlar hamda aholining murojaatlari bo‘yicha olib borilayotgan ishlarni alohida ko‘zdan kechirdi.

Deputat N.Ochilova markaz xodimlari bilan suhbatlashib, ularning faoliyatidagi muammolar va takliflarni eshitdi. Shuningdek, davlat xizmatlarini yanada soddalashtirish, raqamlashtirish jarayonlarini jadallashtirish hamda aholiga xizmat ko‘rsatish madaniyatini oshirish bo‘yicha tegishli tavsiyalar berdi.