Xalq depuatlari Guliston shahar Kengashining "Bahor" mahallasi deputati Y. Usmanova “Bahor” mahalla yettiligi bilan birgalikda aholining muammolarini joyiga chiqib o‘rgandi.

🔹 Toshkent yo‘li ko‘chasida yashovchi 10 ta xonadon bir necha yillardan beri ichimlik suvisiz yashayotgani bo‘yicha fuqarolardan murojaat kelib tushgan. Deputat va mahalla vakillari joyiga chiqqanida, 69 va 67-uylar atrofida suv quvurlari umuman mavjud emasligi hamda ayrim oilalarning ijtimoiy ahvoli og‘ir ekani aniqlandi.

🔹 Shuningdek, shu hududda joylashgan “Bahor” 1-son oilaviy poliklinikasida ham bir qator muammolar borligi ma’lum bo‘ldi. Binoda ta’mir ishlari Guliston tibbiyot birlashmasi tomonidan qisman amalga oshirilgan bo‘lsa-da, ishlar to‘liq yakunlanmagan. Hozirda poliklinikada ichimlik suvi chiqmaydi, qo‘l yuvish uchun sharoit yo‘q, isitish tizimlari esa kapital ta’mir talab.

🟢 Mahalla deputati mazkur masalalarni tegishli tashkilotlar bilan birgalikda hal etish, ichimlik suvi tarmog‘ini tortish va tibbiyot maskanidagi sharoitlarni yaxshilash bo‘yicha amaliy choralar ko‘rish tashabbusi bilan chiqdi.