Jamoatchilik tashabbusi – deputatlar nazoratida. 

Quva tumanida O‘zbekiston Respublikasi
Prezidentining 2021 yil 13 apreldagi “Byudjet jarayonida fuqarolarning faol ishtirokini
ta’minlash bo‘yicha qo‘shimcha chora-tadbirlar to‘g‘risida”gi PQ–5072-son Qarori,
shuningdek, O‘zbekiston Respublikasi Oliy Majlisi Senati Kengashining 2024 yil
30 yanvardagi KQ–666-IV-son va 2024 yil 29 iyuldagi KQ–787-IV-son qarorlariga muvofiq,
2025 yilning ikkinchi bosqichida jamoatchilik ovozi asosida g‘olib deb topilgan
loyihalar soni 16 tani tashkil etdi. 

Mazkur loyihalarning sifatli amalga
oshirilishini ta’minlash maqsadida ularni nazorat qilish jarayoni keng jamoatchilik,
jumladan, xalq deputatlari Quva tuman Kengashi deputatlari tomonidan amalga oshirilmoqda. 

Shu munosabat bilan deputatlar
mazkur loyihalar ijrosi doirasida mahallalarda olib borilayotgan ishlarni o‘rgandilar. 

Xususan, deputatlar Ittifoq mahalla
fuqarolar yig‘ini hududidagi Dashtobod, Hamkorlik, Do‘stlik va Birlik ko‘chalarining
ichki yo‘llarini “Farg‘ona tuman yo‘llardan foydalanish davlat muassasasi” tomonidan,
hamda Nayman mahalla fuqarolar yig‘ini hududidagi Barkamol va Maorif ko‘chalarining
ichki yo‘llarini “Farg‘ona yo‘l qurilish ta’mirlash” MChJ tomonidan asfalt qoplamasi
yotqizishga tayyorlash bo‘yicha olib borilayotgan ishlar holatini o‘rgandilar. 

O‘rganishlar jarayonida deputatlar
loyihalarni amalga oshirishga mas’ul tashkilot va mutasaddilarga ishlar sifatini
ta’minlash hamda belgilangan muddatlarda yakuniga yetkazish zarurligi yuzasidan
tegishli ko‘rsatma va tavsiyalar berdilar.