Mayıp balalardıń bilim alıw huqıqı — deputatlıq qadaǵalawında

Xalıq deputatları Bozataw rayonlıq Keńesiniń 6-sanlı "Ándijan" saylaw okruginen saylanǵan deputatı Sh.Berdaxov hám 3-sanlı "Mádeniyat" saylaw okruginen saylanǵan deputatı G.Yusupova tárepinen deputatlıq qadaǵalawı sheńberinde aymaqtaǵı bilimlendiriw mákemelerinde qatnasıw imkaniyatı sheklengen balalardıń úyde jeke tártipte bilim alıwı, sonıń menen birge olardıń oqıwı ushın zárúr bolǵan arnawlı oqıw ádebiyatları, oqıw-metodikalıq qollanbalar hám basqa da oqıw quralları menen támiyinlengenlik jaǵdayı úyrenildi.

Úyreniw dawamında úyde bilim alıp atırǵan balalar ushın jaratılǵan sharayatlar, oqıw procesiniń jolǵa qoyılǵanı, sabaqlardıń sapalı hám úzliksiz alıp barılıwı, sonday-aq, oqıwshılardıń jeke bilim alıwına zárúr bolǵan oqıw-metodikalıq resurslar menen támiyinleniw dárejesine ayrıqsha itibar qaratıldı.

Mektep basshılıǵı menen birgelikte úyde bilim alıwǵa mútáj balalardıń bilim alıw huqıqın támiyinlew, olardıń jeke imkaniyatlarına sáykes bilimlendiriw procesin shólkemlestiriw hám ata-analardı qollap-quwatlaw máseleleri boyınsha pikir alısıldı.

Deputatlar tárepinen bunday balalardıń bilimlendiriwden shette qalmay, óz imkaniyatlarına say bilim alıwına zárúr bolǵan sharayatlardı jaratıw bilimlendiriw tarawındaǵı áhmiyetli wazıypalardan biri ekeni atap ótilip, anıqlanǵan máseleler boyınsha tiyisli sharayatlardı kóriw boyınsha usınıslar bildirildi.

Deputatlıq qadaǵalaw - xalıqtıń máselelerin ornında úyreniw, anıqlanǵan kemshiliklerdiń aldın alıw hám puqaralardıń nızamda belgilengen huqıqların támiyinlewge baǵdarlanǵan áhmiyetli mexanizm.