«Obod mahalla» loyihasi doirasida «Jiydali» mahallasida rejalashtirilayotgan ishlar o‘rganildi

Xalq deputatlari Olmazor tuman Kengashi 1-Shifokorlar saylov okrugi deputati, Olmazor tumani hokimi Qudratilla Tulyaganov mas’ul tashkilotlar vakillari bilan birgalikda «Obod mahalla» loyihasi doirasida amalga oshirilishi rejalashtirilayotgan ishlar bilan tanishish maqsadida «Jiydali» mahallasida bo‘ldi.

📍 Tashrif davomida mahalla hududining mavjud holati o‘rganilib, aholiga qulay va munosib turmush sharoitlarini yaratish, hudud infratuzilmasini yaxshilash hamda obodonlashtirish borasida amalga oshirilishi lozim bo‘lgan vazifalar muhokama qilindi.

🛣 Jumladan, ichki yo‘llarni tartibga keltirish va yangilash, muhandislik-kommunikatsiya tarmoqlarini yaxshilash, hududni obodonlashtirish, ko‘kalamzorlashtirish hamda aholi uchun qulay shart-sharoitlar yaratish bo‘yicha rejalashtirilgan chora-tadbirlar ko‘rib chiqildi.

🤝 Mas’ul mutasaddilarga belgilangan ishlarni sifatli va o‘z vaqtida amalga oshirish, hududdagi mavjud muammolarni bosqichma-bosqich bartaraf etish hamda amalga oshiriladigan ishlarning aholi manfaatlariga xizmat qilishini ta’minlash yuzasidan tegishli vazifalar belgilandi.

🌿 «Obod mahalla» loyihasining asosiy maqsadi — mahallalar infratuzilmasini yaxshilash, hududlarni yanada obod va ko‘rkam qilish hamda aholining yashash sharoitlarini yaxshilashdan iborat.