Ko‘chama_ko‘cha_yurib
Fuqarolar murojaati va hudud obodligi e’tibor markazida.

Xalq deputatlari Angor tumani Kengashining 11-“Navro‘z” saylov okrugi deputati N. To‘rayev hamda “Navro‘z” mahallasi yettiligi a’zolari ishtirokida hududni ko‘chama-ko‘cha yurib o‘rganish ishlari olib borildi.

O‘rganish davomida hududni “Yangi O‘zbekiston” qiyofasiga mos ravishda obodonlashtirish, mavjud muammolarni aniqlash hamda fuqarolarni qiynayotgan masalalarni o‘rganishga alohida e’tibor qaratildi.

Shuningdek, fuqarolar bilan muloqot davomida ularning murojaat va takliflari tinglandi. Jumladan, ijtimoiy reyestrda turuvchi fuqaro tomonidan kalades (suv to‘planadigan handaq) qurish bo‘yicha murojaat bildirildi.
Mazkur murojaat o‘rganilib, tegishli tartibda ijobiy hal etilishi ta’minlandi.

Bunday sayyor o‘rganishlar fuqarolar murojaatlarini joyida ko‘rib chiqish, mavjud muammolarga amaliy yechim topish hamda hudud obodligini ta’minlashda muhim ahamiyat kasb etmoqda.