Xalq deputatlari Chilonzor tuman Kengashi deputati Nazirov Madamin Ma’rufjon o‘g‘li tomonidan hududda investitsiyalarni jalb etish, investitsiya loyihalarini amalga oshirish, ishlab chiqarish quvvatlarini kengaytirish hamda yangi ish o‘rinlari yaratish borasida amalga oshirilayotgan ishlarni o‘rganish yuzasidan deputat so‘rovi yuborildi.
Mazkur deputat so‘rovi Tuman hokimining o‘rinbosari — tuman investitsiyalar, sanoat va savdo bo‘limi boshlig‘i A. Abduqodirov nomiga yo‘llandi.
Deputat so‘rovida hududda investitsiya loyihalarining ijrosi, jalb etilgan investitsiyalar hajmi, yangi ishlab chiqarish quvvatlarining tashkil etilishi, mavjud korxonalarni kengaytirish hamda buning natijasida yaratilayotgan yangi ish o‘rinlari to‘g‘risidagi ma’lumotlarni o‘rganish nazarda tutilgan.
Shuningdek, amalga oshirilayotgan loyihalarning hudud ijtimoiy-iqtisodiy rivojiga ta’siri, mavjud muammolar va ularni bartaraf etish bo‘yicha ko‘rilayotgan choralar ham o‘rganiladi.
Deputatlik nazorati — hudud rivoji, tadbirkorlikni qo‘llab-quvvatlash va aholi bandligini ta’minlashga xizmat qiladi.