#24_tavsiya_ijrosi #deputat_faoliyati

24-tavsiya ijrosi doirasida liftlar holati o‘rganildi.

Xalq deputatlari Angor tumani Kengashi 20-Do‘stlik saylov okrugi deputati Qulliyeva Orzigul Abdullayevna tomonidan hududdagi 11-sonli umumiy o‘rta ta’lim maktabida 24-tavsiya ijrosi doirasida o‘rganish ishlari olib borildi.

O‘rganish davomida maktab binosida o‘rnatilgan zamonaviy liftlarning texnik va foydalanish holati ko‘zdan kechirildi.Maktabda o‘quvchilar hamda pedagog xodimlar uchun qulay va xavfsiz sharoit yaratish maqsadida zamonaviy liftlar o‘rnatilgani, ularning belgilangan tartibda foydalanilayotgani hamda soz holatda ekani o‘rganildi.

Deputat tomonidan obyektning mavjud holati ko‘zdan kechirilib, liftlarning xavfsiz va barqaror ishlashini ta’minlash, ulardan foydalanishda belgilangan xavfsizlik talablariga qat’iy rioya etish yuzasidan mas’ullarga tegishli tavsiyalar berildi.