ОБОДОНЛАШТИРИШ ИШЛАРИ ДЕПУТАТ НАЗОРАТИДА
Халқ депутатлари Янгиқўрғон тумани Кенгаши депутати Аралов Латифжон томонидан сайлов округида жойлашган маҳаллаларда кўчама-кўча ўрганиш ишлари давом этмоқда.
Навбатдаги ўрганишлар «Тинчлик» МФЙнинг «Учқун» ва «Беруний» кўчаларида олиб борилди.
Ўрганиш жараёнида кўчаларнинг санитария ҳолати, ҳудудларни ободонлаштириш, тозаликни таъминлаш, йўл бўйларини тартибга келтириш ҳамда аҳоли учун янада қулай ва озода муҳит яратиш борасида амалга оширилаётган ишлар кўздан кечирилди.
Шунингдек, аҳоли билан мулоқот қилиниб, уларни қийнаб келаётган масалалар ва таклифлар тингланди. Аниқланган камчиликларни бартараф этиш юзасидан тегишли масъулларга таклиф ва тавсиялар берилди.
✅ Ҳудудлардаги ободонлаштириш ишлари ва аҳоли мурожаатларининг ижроси депутат томонидан назоратга олинди.