Xalq deputatlari Qo‘qon shahar Kengashi deputati, Qo‘qon shahar hokimi M.A.Usmonov tomonidan “Istiqlol” saylov okrugi “Tolzor” mahalla fuqarolar yig‘inida 2026-yilning birinchi yarim yilligida amalga oshirilgan deputatlik faoliyati yuzasidan saylovchilar bilan uchrashuv o‘tkazilib, axborot berildi.

Tadbirda Qo‘qon shahar hokimligi mas’ul xodimlari, mahalla faollari hamda saylovchilar ishtirok etib, hududni ijtimoiy-iqtisodiy rivojlantirish, aholi murojaatlarini hal etish va infratuzilmani yaxshilash borasida amalga oshirilgan ishlar muhokama qilindi.

M.A.Usmonov o‘z axborotida 2026-yilning birinchi yarim yilligi davomida “Tolzor” MFY hududida amalga oshirilgan obodonlashtirish ishlari, muhandislik-kommunikatsiya infratuzilmasini yaxshilash, fuqarolar murojaatlarini ijobiy hal etish, aholi bandligini ta’minlash hamda hududni rivojlantirishga qaratilgan chora-tadbirlar haqida batafsil to‘xtalib o‘tdi.

Shuningdek, deputat mahalliy Kengash deputatining vakolatlari, saylovchilar manfaatlarini himoya qilish, deputatlik so‘rovlari, fuqarolar qabullari hamda doimiy ravishda saylov okrugida olib borilayotgan ishlar yuzasidan saylovchilarga batafsil tushuntirishlar berdi.

Uchrashuv yakunida saylovchilar tomonidan bildirilgan taklif va murojaatlar tinglanib, ularni qonunchilik doirasida hal etish hamda mas’ul tashkilotlar bilan hamkorlikda amaliy choralar ko‘rish yuzasidan tegishli vazifalar belgilab olindi.

Xalq deputatlari Qo‘qon shahar Kengashi