Xalq deputatlari Qo‘qon shahar Kengashi deputati X.Nazarova tomonidan o‘ziga biriktirilgan Qo‘qon shahar Ekologiya va iqlim o‘zgarishi bo‘limida O‘zbekiston Respublikasining “Chiqindilar to‘g‘risida”gi Qonuni ijrosi yuzasidan amalga oshirilayotgan ishlar muhokama qilindi.

Muhokamada bo‘lim boshlig‘i S.Sultonov hamda Ekologiya nazorati (ekopolitsiya) xodimlari ishtirok etib, qonun talablarining amaliy ijrosi, chiqindilarni belgilangan tartibda yig‘ish, tashish va utilizatsiya qilish, noqonuniy chiqindi tashlash holatlarining oldini olish borasida amalga oshirilayotgan ishlar yuzasidan fikr almashildi.

Xususan, ko‘p qavatli uy-joylarda yashovchi fuqarolar tomonidan “Chiqindilar to‘g‘risida”gi Qonun talablariga rioya etilishini ta’minlash maqsadida targ‘ibot va tushuntirish ishlarini yanada kuchaytirish, maxsus tashkil etilgan chiqindi to‘plash maydonchalarining sanitariya holatini doimiy nazorat qilish hamda ularni belgilangan talablar asosida saqlash masalalari atroflicha muhokama qilindi.

Muhokama davomida deputat X.Nazarova tomonidan aholi o‘rtasida ekologik madaniyatni yuksaltirish, chiqindilar bilan bog‘liq huquqbuzarliklarning oldini olish, mas’ul tashkilotlar va mahallalar hamkorligini kuchaytirish hamda chiqindilarni boshqarish tizimi samaradorligini oshirish yuzasidan bir qator amaliy taklif va tavsiyalar bildirildi.

Xalq deputatlari Qo‘qon shahar Kengashi