#deputat_faoliyati

Oliy Majlis Senati a’zosi Malika Qodirxonova hamda Xalq deputatlari Toshkent viloyati Kengashi raisi S.Fayziyeva Yangiyo‘l shahar hokimi R.Raimov bilan birgalikda Yangiyo‘l shahridagi Farovon mahallasida bo‘lib, hududda amalga oshirilayotgan ijtimoiy-ma’naviy ishlar va mahalla infratuzilmasi holatini o‘rgandilar.

Tashrif davomida mahalladagi xotin-qizlar faoli tomonidan aholi, ayniqsa, xotin-qizlar va yoshlar bilan olib borilayotgan ishlar samaradorligi, bandlikni ta’minlash, ijtimoiy himoyaga muhtoj oilalarni qo‘llab-quvvatlash, muammolarni aniqlash va ularni hal etish borasidagi faoliyat yuzasidan ma’lumotlar tinglandi.

Shuningdek, hududda amalga oshirilgan bunyodkorlik va obodonlashtirish ishlari, ko‘chalar, ichki yo‘llar, yashil hududlar hamda aholi uchun yaratilgan qulayliklar ko‘zdan kechirildi. Mahalla faollari va fuqarolar bilan ochiq muloqot o‘tkazilib, ularni qiynab kelayotgan masalalar, taklif va tashabbuslar muhokama qilindi.

O‘rganishlar yakunida bildirilgan murojaatlar yuzasidan tegishli mutasaddilarga aniq vazifalar yuklatilib, mavjud muammolarni qisqa muddatlarda bartaraf etish hamda hududni yanada rivojlantirish bo‘yicha zarur chora-tadbirlar belgilab olindi.

Telegram 📱 Instagram 📱 Facebook