Xalq deputatlari Muborak tumani Kengashi kotibiyati mudiri Anvar Qurbonov hamda 14-Yangiobod saylov okrugi deputati Dilbar Karimova bilan birgalikda hududdagi hokim yordamchisi faoliyati o‘rganildi.

O‘rganish davomida aholi bandligini ta’minlash, tadbirkorlikni qo‘llab-quvvatlash, kambag‘allikni qisqartirish, fuqarolar murojaatlari bilan ishlash hamda mahallada amalga oshirilayotgan ijtimoiy-iqtisodiy loyihalarning borishi tahlil qilindi.

Shuningdek, aholini doimiy daromad manbalari bilan ta’minlash, yangi ish o‘rinlari yaratish va tadbirkorlik tashabbuslarini qo‘llab-quvvatlash borasida olib borilayotgan ishlar yuzasidan mas’ullar bilan fikr almashildi. O‘rganish natijalari bo‘yicha mavjud muammolarni bartaraf etish va ish samaradorligini yanada oshirish yuzasidan tegishli taklif va tavsiyalar berildi.

✏️ Xalq deputatlari Muborak tumani Kengashi deputatlari tomonidan hududlarda ijtimoiy-iqtisodiy islohotlar ijrosini o‘rganish hamda aholi muammolarini hal etishga qaratilgan ishlar izchil davom ettirilmoqda.