Milliy tiklanish partiyasidan saylangan Xalq deputatlari Amudaryo tuman Kengashi deputati S.Jumamuratova hamda Kotibiyat xodimi B.Allaberganovlar tomonidan Amudaryo tumani Tashabbusli budjet 2026-yil 1-bosqichida g‘olib bo‘lgan “Fuqarolar tashabbusi jamg‘armasi” hisobidan moliyalashtirilayotgan loyihalar o‘rganildi.

Jumladan, Amudaryo tumani Tosh yop OFY hududidan o‘tuvchi avtomobil yo‘liga yangi asfalt qoplamasi yotqizish ishlari deputatlik nazorati asosida ko‘zdan kechirildi. O‘rganish davomida bajarilayotgan qurilish ishlari sifati, belgilangan muddatlarga amal qilinishi hamda budjet mablag‘larining maqsadli sarflanishiga alohida e’tibor qaratildi.

Deputat tomonidan loyiha ijrosining shaffof va samarali amalga oshirilishi, aholi uchun qulay infratuzilma yaratish hamda yo‘l sifatini yaxshilash yuzasidan doimiy nazoratga olindi.