Xalq deputatlari G‘ozg‘on shahar Kengashi deputati G.Raxmatova tomonidan shahardagi mahallalar uyushmasi tomonidan amalga oshirilayotgan ishlar holati hamda hokim yordamchilari faoliyati bilan yaqindan tanishildi.
Mazkur o‘rganish O‘zbekiston Respublikasining “Oilaviy tadbirkorlik to‘g‘risida”gi O‘RQ-327-sonli Qonuni (2012-yil 26-aprel) talablari asosida olib borildi.

O‘rganish jarayonida mahallalarda oilaviy tadbirkorlikni rivojlantirish, fuqarolarni tadbirkorlikka jalb etish, bandlikni ta’minlash hamda hokim yordamchilari tomonidan amalga oshirilayotgan ishlar tanqidiy-tahliliy asosda ko‘rib chiqildi.

Jumladan:

oilaviy tadbirkorlikni qo‘llab-quvvatlash ishlari;
hokim yordamchilari faoliyati samaradorligi;
aholi bandligini ta’minlash bo‘yicha amalga oshirilayotgan chora-tadbirlar;
fuqarolar murojaatlari bilan ishlash tizimi;
tegishli hujjatlar yuritilishi va mavjudligi tahlil qilindi.

Shuningdek, faoliyatga oid hisobotlar, ro‘yxatlar hamda boshqa zarur hujjatlar ko‘zdan kechirildi.

O‘rganish davomida aniqlangan kamchiliklarni bartaraf etish, oilaviy tadbirkorlikni yanada rivojlantirish hamda mahallalarda tizimli ishlarni kuchaytirish yuzasidan tegishli tavsiyalar berildi.

Mazkur o‘rganish ishlari fuqarolar bandligini oshirish, oilaviy tadbirkorlikni qo‘llab-quvvatlash hamda hududlarning ijtimoiy-iqtisodiy rivojlanishiga xizmat qiladi.