Вилоят Кенгаши котибияти бош мутахассиси С.Негмуратов Ғозғон шаҳар Кенгаши раиси ва депутатлари билан биргаликда Олий Мажлис Сенатининг КҚ-35-V-сонли қарори ижросини юзасидан, Тумар маҳалласи ҳудудида бунёд этилаётган 48 ўринли шаҳар марказий шифохонаси қурилиш жараёнлари билан танишишди.

Мазкур тиббиёт муассасаси келгусида аҳолига замонавий, сифатли ва кенг қамровли тиббий хизмат кўрсатишга мўлжалланган ягона комплекс шифохона мажмуаси сифатида фаолият юритиши режалаштирилган.

Қурилиш ишлари замонавий меъморчилик талаблари асосида олиб борилмоқда.

Шифохона таркибида даволаш блоки, поликлиника, лабораториялар, ошхона, дорихона ва бошқа зарур тиббий хизмат йўналишлари бўлимлар ташкил этилади.

Ушбу лойиҳа Ғозғон шаҳрида тиббиёт тизимини янада ривожлантириш, аҳолига қулай ва сифатли тиббий хизмат кўрсатиш имкониятларини кенгайтиришга хизмат қилади.