Xalq deputatlari Uchquduq tuman Kengashi deputati M.Xudoyberdiyeva hamda kotibiyat bosh mutaxassisi M.Muhammadiyev tomonidan “Do‘stlik” mahallasida kompleks o‘rganish ishlari olib borildi.

O‘rganish davomida mahalladagi ichki ko‘cha yo‘llarining bugungi holati, ularning ta’mirtalab uchastkalari, harakat xavfsizligi darajasi atroflicha ko‘zdan kechirildi. Shu bilan birga, ko‘chalarning tungi yoritilishi, mavjud yoritish tizimlarining ishlash holati ham tahlil qilindi.

 Shuningdek, mahalla aholisi bilan bevosita muloqotlar tashkil etilib, fuqarolarning kundalik hayotida uchrayotgan muammolar, taklif va tashabbuslari tinglandi. Aholi tomonidan, ayniqsa, ichki yo‘llarni ta’mirlash va tungi yoritishni yaxshilash masalalariga alohida e’tibor qaratildi.

 O‘rganish natijasida aniqlangan muammo va kamchiliklar yuzasidan tegishli tashkilotlarga aniq taklif va tavsiyalar berilib, ularni qisqa muddatlarda bartaraf etish choralarini ko‘rish bo‘yicha masalalar deputatlik nazoratiga olindi.

Mazkur o‘rganishlar hudud infratuzilmasini yaxshilash, aholining yashash sharoitlarini yanada qulay va xavfsiz qilish, fuqarolar bilan ochiq muloqotni mustahkamlashga xizmat qiladi.