Xalıq deputatları Qaraózek rayonlıq Keńesi 1-N.Japaqov okruginen deputat, Keńes sekretariatı baslıǵı Q.Jaqsımuratov, jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiya baslıǵı B.Niyetullaevlar birgelikte Qutlı mákan MPJ aymaǵında A.Dosnazarov kóshesine jańadan ishimlik suwı tarmaǵın tartıw jumısları barısı menen tanıstı.

Ózbekstan Respublikası Prezidentiniń 2019-jıl 9-aprel kúngi “Aziya rawajlanıw bankiniń qatnasıwında "Ózbekstannıń batıs bóleginde ishimlik suwı támiynatı sistemaların rawajlandırıw" joybarın ámelge asırıw ilajları haqqında”ǵı PQ-4271-sanlı qararına tiykarlanıp Qaraózek rayonında 11,145 mln AQSh dolları kredit qarjıları esabınan ishimlik suw támiynatın jaqsılaw belgilengen.

Bunda Qaraózek rayonı aymaǵınan 175 km aralıqta jańadan suw tarmaǵın qayta rekonstrukciyalawǵa 11,3 mln dollar qarjı ajıratılǵan bolıp, 3500 aslam xojalıqqa jańadan ishimlik suwı tarmaǵı tartıladı.