Xalq deputatlari Sardoba tuman Kengashi huzuridagi doimiy komissiyalarning qo‘shma yig‘ilishi bo‘lib o‘tdi!

Yig'ilishda, kun tartibiga kiritilgan dolzarb masalalar atroflicha muhokama qilinib, tegishli mas’ullar hisobotlari tinglandi.

Kun tartibidagi masalalar:👇

“Mahallani rivojlantirish va jamiyatni yuksaltirish yili” dasturi hamda O‘zbekiston Respublikasi Prezidentining 2023-yil 11-sentyabrdagi PF–158-son Farmoniga muvofiq “O‘zbekiston-2030” strategiyasi doirasida tuman elektr ta’minoti bo‘limi rahbarining hisoboti to‘g‘risida.

Tuman Kambag‘allikni qisqartirish va bandlikka ko‘maklashish bo‘limida korrupsiyani oldini olish va unga qarshi kurashish borasida amalga oshirilayotgan ishlar to‘g‘risida.

Avtomobil yo‘llarini qurish, qayta qurish, ta’mirlash va saqlash holati mahallalar kesimida Sardoba tuman yo‘llardan foydalanish davlat muassasasi direktori hisoboti to‘g‘risida.

Tuman mahalliy budjetidan mablag‘ ajratish to‘g‘risida.

Jamoatchilik fikri asosida shakllantirilgan tadbirlarni moliyalashtirish maqsadida tuman mahalliy budjeti hisobidan shakllangan Sardoba tuman hokimligining “Fuqarolar tashabbusi jamg‘armasi” mablag‘laridan foydalanish to‘g‘risida.

Yig‘ilish davomida har bir masala yuzasidan deputatlar tomonidan taklif va mulohazalar bildirilib, mavjud muammolarni bartaraf etish bo‘yicha aniq vazifalar belgilab olindi.