Xalq deputatlari Shayxontohur tuman Kengashi deputati Kadirov Elbek Rustamovich tomonidan Oʻzbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida”gi qarori ijrosi yuzasidan mahalla profilaktika inspektori faoliyati oʻrganildi.

Oʻrganishda Shayxontohur tuman Kengashi Kotibiyati mudiri N.Karimov, “Qoratosh” mahalla fuqarolar yigʻini raisi J.Valiyeva, uchastka profilaktika inspektori Sh.Mustafakulovlar ishtirok etishdi.

Xususan, ushbu qarorga asosan oʻragnishda mahallada profilaktika inspektorlari tomonidan huquqbuzarliklarning oldini olish, aholi bilan manzilli ishlash, muammoli oilalarni aniqlash va ular bilan individual tartibda ish olib borishga alohida eʼtibor qaratildi. 

Shuningdek, oʻrganishda mahalla profilaktika inspektori Sh.Mustafakulov tomonidan yoshlar oʻrtasida huquqiy madaniyatni oshirish, xotin-qizlarni qoʻllab-quvvatlash, ijtimoiy profilaktika choralarini kuchaytirish borasida ham tashkil etilgan tizimli ishlar haqida axborot berib oʻtdi.

Bundan tashqari, u “xavfsiz mahalla” tamoyili asosida mahalla faollari va jamoatchilik bilan hamkorlikda tezkor va samarali choralar koʻrilayotgani natijasida jinoyatchilikni kamaytirish, fuqarolarning tinch va osoyishta hayotini taʼminlashga xizmat qilayotganini maʼlum qildi.

Deputat tomonidan oʻrganish yakunida mavjud muammolarni bartaraf etish boʻyicha takliflar berildi hamda kelgusida mazkur qaror ijrosini taʼminlash orqali xavfsiz va barqaror muhitni shakllantirishga erishish asosiy maqsad ekanligi taʼkidlab oʻtildi.