#Kotibiyat_mudiri_faoliyati 

#Sessiya_qarori_ijrosi 

#Deputatlar_faoliyati 

Xalq deputatlari tuman Kengashi kotibiyati mudiri J.Axunov hamda 20-Chandir saylov okrugi deputati B.Kulbuldiyev tomonidan tashabbusli budjet jarayoni doirasida amalga oshirilgan ishlar ijrosi yuzasidan o‘rganish olib borildi.

Xususan, Xalq deputatlari Payariq tumani Kengashining 2025-yil 17-sentabrdagi VII-13-107-7-100-K/25-sonli qaroriga muvofiq, “Tashabbusli budjet” dasturi doirasida Navbaxor MFY hududida joylashgan ichki yo‘llarni asfalt qoplamasi bilan qoplash loyihasi amalga oshirilgan bo‘lib, ushbu ishlar uchun jami 1 499 917 500 so‘m mablag‘ ajratilgan.

O‘rganish jarayonida amalga oshirilgan qurilish-ta’mirlash ishlari sifati, yo‘l qoplamasining holati hamda belgilangan texnik talablar asosida bajarilganligi ko‘zdan kechirildi. 

Shuningdek, “Tashabbusli budjet” jarayonining amaliy natijasi sifatida mahalla infratuzilmasi yaxshilangani, aholining turmush darajasini oshirish va yo‘l-transport harakatini tartibga solishga xizmat qilishi ta’kidlab o‘tildi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/share/1CUpgvKLYL/)|instagram (https://www.instagram.com/xalq_deputatlari_kengash/)