Uzunqishloq MFYda “Muqaddas” qabristoni yo‘llari obod qilinmoqda: aholi tashabbusi amalda

🔖Uzunqishloq MFY hududida joylashgan “Muqaddas” qabristoniga olib boruvchi hamda uning ichki yo‘llarini asfaltlash masalasi aholi tomonidan uzoq yillar davomida ko‘tarib kelinayotgan dolzarb muammolardan biri edi. Ayniqsa, yomg‘irli va noqulay ob-havo sharoitida qabristonga borishda qiyinchiliklar yuzaga kelib, bu holat fuqarolarga noqulaylik tug‘dirib kelayotgan edi.

📍Mazkur muammoni bartaraf etish maqsadida fuqarolar tashabbusi bilan “Open budjet” dasturining 2025 yil 2-mavsumida ushbu loyiha ilgari surildi va keng jamoatchilik tomonidan qo‘llab-quvvatlanib, g‘olib deb topildi. Ushbu tashabbusni amalga oshirishda deputat Omonov Odiljon ham faol ishtirok etib, masalaning ijobiy hal etilishiga o‘zining munosib hissasini qo‘shdi.

📍Natijada, qabristonga olib boruvchi asosiy yo‘l hamda uning ichki yo‘laklari bosqichma-bosqich asfaltlash ishlari amalga oshirildi. Bu esa aholi uchun qulaylik yaratish, ayniqsa, katta yoshdagilar va ziyoratga keluvchilar uchun sharoitlarni yaxshilashga xizmat qildi.

📍Hozirgi kunda mazkur hududda obodonlashtirish ishlari izchil davom ettirilmoqda. Jumladan, atrof-muhitni tartibga keltirish, hududni tozalash, ko‘kalamzorlashtirish va qo‘shimcha infratuzilma yaratish bo‘yicha ishlar olib borilmoqda.

Deputat Omonov Odiljon ta’kidlaganidek:

💎“Bu kabi loyihalar aholining haqiqiy ehtiyojlaridan kelib chiqqan holda amalga oshirilayotgani bilan ahamiyatli. ‘Open budjet’ orqali fuqarolar o‘zlari istagan muammolarni hal qilish imkoniyatiga ega bo‘lmoqda. Biz esa ularning tashabbuslarini qo‘llab-quvvatlashda davom etamiz.”

ℹ️Umuman olganda, mazkur loyiha aholi tashabbusi, davlat dasturlari va deputatlik faoliyati uyg‘unligida amalga oshirilayotgan bo‘lib, hududni yanada obod va qulay maskanga aylantirishga xizmat qilmoqda.