Xalq deputatlari Kosonsoy tuman Kengashi deputati, tuman hokimi Dilmurod Qodirov tomonidan “Soycha” mahallasida navbatdagi sayyor qabul tashkil etildi.

✍️Mazkur qabulda tegishli tashkilotlar va xizmat ko‘rsatish korxonalari mas’ullari, mahalla faollari hamda fuqarolar ishtirok etdi.

📉 Qabuldan asosiy maqsad — aholi bilan ochiq muloqotni yo‘lga qo‘yish, ularni qiynayotgan muammolarni bevosita joyida o‘rganish va amaliy yechimlar topishdan iborat bo‘ldi.

📌Qabul davomida fuqarolar tomonidan:

✔️turmush sharoitlarini yaxshilash,

✔️ijtimoiy muammolarni hal etish,

✔️infratuzilma (yo‘l, elektr, suv ta’minoti) bilan bog‘liq masalalar,

✔️tibbiy xizmat sifati,

✔️yer va uy-joy masalalari,

✔️moddiy yordam ajratish,

✔️bandlikni ta’minlash va tadbirkorlikni rivojlantirish bo‘yicha murojaatlar bildirildi.

🗓️ Har bir murojaat mas’ullar ishtirokida batafsil ko‘rib chiqilib, ayrim muammolar joyida ijobiy hal etildi. Qo‘shimcha vaqt va o‘rganish talab qiladigan masalalar esa tegishli tartibda ro‘yxatga olinib, mutasaddi tashkilotlarga ijro uchun yo‘naltirildi.

❗️ Qabul jarayonida mutasaddilarga murojaatlarni o‘z vaqtida va sifatli hal etish, fuqarolar bilan ishlashda mas’uliyatni yanada kuchaytirish yuzasidan aniq topshiriqlar berildi.