Tadbirda Xalq deputatlari mahalliy Kengash deputati O. Pardayev ishtirok etib, ushbu yo‘nalishda amalga oshirilayotgan ishlar, yosh olimlar uchun yaratilayotgan imkoniyatlar hamda ilm-fan va amaliyot integratsiyasini kuchaytirish masalalari yuzasidan batafsil ma’ruza qildi.

 Muloqot davomida yosh tadqiqotchilar tomonidan ilgari surilayotgan innovatsion loyihalar, startap tashabbuslar va ilmiy izlanishlar muhokama qilindi. Ularning natijalarini real sektor va ishlab chiqarishga tatbiq etish, tijoratlashtirish imkoniyatlari yuzasidan fikr almashildi.

 Shuningdek:

 ilmiy loyihalarni moliyalashtirish mexanizmlarini kengaytirish

 grant va tanlovlar imkoniyatlarini oshirish

 oliy ta’lim muassasalari va ishlab chiqarish o‘rtasidagi hamkorlikni mustahkamlash

 yosh olimlarni rag‘batlantirish tizimini takomillashtirish

kabi dolzarb masalalar ham atroflicha ko‘rib chiqildi.

 Tadbirda yoshlarning ilmiy salohiyatini ro‘yobga chiqarish, ularni qo‘llab-quvvatlash hamda mamlakat taraqqiyotiga xizmat qiladigan innovatsion ishlanmalarni ko‘paytirish bugungi kunning muhim vazifalaridan biri ekanligi alohida ta’kidlandi.

 Yakunda tegishli tashkilotlar bilan hamkorlikni kuchaytirish, yosh olimlarning tashabbuslarini amaliy qo‘llab-quvvatlash va ularning ilmiy natijalarini keng joriy etish bo‘yicha aniq taklif va tavsiyalar ishlab chiqildi.