2026-jıl 20-aprel kúni Xalıq deputatları rayonlıq Keńesi sekretariatı baslıǵı T.Jusipov hám deputat E.Begmanov rayondaǵı birqatar áhmiyetli qurılıs obektlerinde boldı. Olar birinshi náwbette jańadan salınıp atırǵan rayonlıq Qorǵanıw bólimi imáratınıń qurılıs barısı menen tanıstı. Bul imárat qorǵanıw xızmetiniń nátiyjeliligin arttırıwda úlken áhmiyetke iye boladı dep kútilmekte.

Sonıń menen birge deputatlar qurılısı juwmaqlanıw aldında turǵan «Dáwir» mákan puqaralar jıyını imáratına da barıp, ol jerdegi jumıslardı kózden ótkerdi. 

Qadaǵalaw barısında deputatlar qurılıs jumıslarınıń sapasına, qurılıs materiallarınıń talapqa say keliwine, injenerlik kommunikaciyalarınıń durıs ornatılıwına hám obektlerdiń belgilenǵen merzimde juwmaqlanıwına ayrıqsha itibar qaratılǵanlıǵı atap ótildi. Sonday-aq olar qurılıs jumısların tezlestiriw menen birge, sapaǵa ayrıqsha itibar kerek ekenligin atap ótti.

Bunday qadaǵalaw jumısları rayon infrastrukturasın jaqsılaw, xalıqqa qolaylı turmıs jaǵdayların jaratıw hám jańa obektlerdiń óz waqıtında paydalanıwǵa beriliwin támiyinlewge qaratılǵan bolıp, deputatlar tárepinen bunday qadaǵalaw ilájları aldaǵı waqıtlarda dawam ettiriledi.