Xalq deputatlari Zarbdor tuman Kengashiga 12-Sharq yulduzi saylov okrugidan saylangan deputat M.Isroilova tomonidan “Kuxinur siti-SSS” MCHJ rahbari S.Shodmonqulovga deputatlik so‘rovi yuborildi.

O‘rganishlar davomida “Sharq yulduzi” MFY hududidagi Tinchlik ko‘chasidagi 7 va 8-uylar hamda A. Qahhor ko‘chasidagi 3-uyda oqova suv tizimi bilan bog‘liq jiddiy kamchiliklar mavjudligi aniqlangan. Xususan, mazkur uylarning ichki kanalizatsiya tarmoqlari markaziy tizimga ulanmaganligi yoki mavjud emasligi oqibatida aholi uchun noqulay sanitariya holati yuzaga kelgan.

Shu munosabat bilan deputat tomonidan oqova suv tizimini to‘liq o‘rganish, mavjud nosozliklarni bartaraf etish hamda zarur infratuzilmani shakllantirish yuzasidan amaliy choralar ko‘rish talab etilgan deputat so‘rovi yuborildi.

Mazkur masala deputat tomonidan nazoratga olindi.