Deputatlar va Mahalla uyushmasi hamkorligida Termiz mahallasida o‘rganish o‘tkazildi

Hududlarda olib borilayotgan ishlar Xalq deputatlari Termiz tuman Kengashi kotibiyat mudiri A.Avliyakulov tuman Kengashi deputatlar Dj.Taxchiyeva, G.Shafoatova va O‘zbekistom Mahallalari uyushmasining Termiz tuman bo‘limi boshlig‘i R.Alixanov bilan hamkorlikda joyiga chiqqan holda o‘rganilmoqda. Navbatdagi manzil sifatida Termiz mahallasi tanlanib, mahalla “yettiligi” faoliyati bilan yaqindan tanishildi.

O‘rganish davomida mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori hamda boshqa mas’ullar tomonidan hududda amalga oshirilayotgan ishlar, aholi bandligini ta’minlash, ijtimoiy himoyaga muhtoj oilalar bilan ishlash, yoshlar va xotin-qizlar masalalari bo‘yicha olib borilayotgan manzilli ishlar alohida ko‘rib chiqildi.

Shuningdek, mahalla faollari hamda fuqarolar bilan ochiq muloqot o‘tkazilib, hududni qiynab kelayotgan muammolar, taklif va mulohazalar tinglandi. Ayrim murojaatlar joyida ko‘rib chiqilib, tegishli mas’ullar tomonidan tushuntirishlar berildi hamda muammolarni hal etish yuzasidan zarur choralar belgilab olindi.

O‘rganish yakunida hududdagi mavjud muammolarni tizimli ravishda bartaraf etish, mahalla “yettiligi” faoliyati samaradorligini yanada oshirish hamda aholi bilan ishlash tizimini takomillashtirish bo‘yicha tegishli tavsiyalar berildi.

Deputatlar va mas’ul rahbarlar hamkorligidagi o‘rganishlar navbatdagi hududlarda ham izchil davom ettiriladi.